“ليه نقعد فى مصر ؟ علشان هنا فيه حياة, فيه مجتمع مفنجل, فيه ديليفرى الساعة 4 الصبح , قهاوى على مدار الساعة , موبايلك فيه نمر بالعبيط لناس تفضفض معاهم وتحس انك انسان فيه حد مهتم بيك , العالم الغربى عالم وحيد بالنسبة لينا , كئيب حتى على ناسه اللى اتربوا فيه , عالم بينام بدرى وبيقفل زرار الياقة وخنيق , احنا عندنا مجتمع صوته عالى , وعشرى ودا مهم للنفسية فعلا .”

“رمضان مش مسلسل، رسالة من نمرة غريبة مافيهاش إسم صاحبها، صورة بتصميم سيء معمولك فيها تاج، رمضان هو وقت علشان تكلم فيه ربنا، و الأهم.. تسمعه”

“الاهم كل فكرة ومبدأ اقتنعت بيه مش عشان بس ورثتة سمعته قريته او شوفته، بس اقتنعت بيه عشان اول ما سمعته استغربته، انتقدته، حاربته، فكرت فيه، فاقتنعت بيه لما فهمته”

“ساعات بنمثل إننا مكسوفين أوى , بس الحقيقة إننا مش مكسوفين , احنا بس بنمثل , وساعات بسأل نفسى ؟ ليه ساعات بنمثل ؟! عارفين الإجابة لقتها سهلة , علشان المشهد اللى احنا فيه يبقى كامل زى ما المفروض يكون ويتقال عننا , ساعات كتير أوى بنعمل حاجات بتتقال علشان يقولوا علينا طبيعيين , مش اكتر من طبيعيين”

“إحنا فى مجتمع معندوش رفاهية الفكر ، لا حد خد رأيه لما كان بيربيه ولا لما كان بيعلمه ولا لما كان بيشغله ، فلا إتعود يحلل أو يفكر أو يتعقل او يكون رأيه”

“كل شوية ممكن تتهدلك حقايق , و تكتشف ان كل شئ فى الاخر تقريبا وجهة نظر اكتشفت ان اللى انت حاسس بيه ممكن يكون كدب . اسهل كدب هو انك تكدب على نفسك عشان توصل لغريزتك . و ده اسهل كدب يتصدق . محتاج عشان تقفشه انك تقعد مع نفسك . تحلل افعالها . و نتائج افعلها . تعرف مشاكلك فعلا . تسمع كويس الانتقاد . تحلل نفسك . نعرف هى كدبت عليك عليك ازاى قبل كدا و متنساش ده .”

“الانسان أثبت انه ضحية أكبر عملية نصب فى التاريخ قامت بها نفسه عليه وأحسن حد بيعرف ازاى يشتغلك فعلا هو نفسك”