“غرامي في الحروب يسبق كلامي وأملي فى الشعوب يخلق غُنايا وعشقي للكلام غالب سكوتي وكرهي للسكات جالب شقايا”

“إذا الشمس غرقت فى بحر الغمامومدت على الدنــــــيا موجة ظلامومات البصر فى العيون والبصايروغاب الطريق فى الخطوط والدوايريا ساير يا داير يا ابو المفهوميــــةمفيش لك دليل غير عيون الكلام”

“بكرة لما قمركو يطلع والشمس تطلع ونهاركو يطلع حيقولوا كان في المكان دا ناس فيهم طيابه وفيهم حماس وكانوا آخر الامر ناس وكان زمانهم سجون وكانوا مابين سجونه وأمريكانه وبين ضباب الطريق حيارى ماحد قادر يشوف مكانه حتقولوا كانوا وياما كانوا وياما شربوا وياما عانوا وياما جالهم وياما جيلهم دفع وكان التمن أمانه وياما ناس فى المسيره مشيت وناس ف نص المسيره خانوا حتقولوا كانوا أو ياما كانوا لكن ح يبقى فى الأمر حاجه إن اللى عربد ما سابش حاجه وساب كلابه على كل حاجه تهبش وتنهش فى كل حاجه ماقدرش يقتل فى اى حاجه روح التفاؤل بكل حاجه _____________ القاهرة 1973”

“بلدي يالقمة عيش يا حلالع الأكالة .. وع الأكالياأم النيل سايل مواويلكل مغني وله موالوأنا أرغولي لما يمولسوا فى الأخرسوا فى الأولمش حيغني إلا لمصريا ركوبة ركاب النصرسرقوكي سكان القصروالظابط عبد المأمور ..”

“كان مناه يلمح علامة خوف بسيطه يطب حييجى الخوف منين ابن العبيطه هو مين فينا الجبان ولا مين فينا اللى خان إللى قلبه بالمحبه وبالأمانى وبالربيع لاخضر مزهر والأغانى ولا كلب الصيد وأسياده الأباطره أكالين لحم البشر فوق الصوانى؟ هو مين فينا الجبان ولا مين فينا اللى خان هو بص فى عينى بصه إرتجف وف حلقه غصه واتعوج ومال وقال جملتين مش مفهومين أصاله شاف صورتين جُمال فى العيون الطيبين مصر فى العين الشمال وانتى فى العين اليمين”

“سلام يا إدين قويهخشنين وعرقانينيناموا المغربيهويقوموا مبدرينويخضروا الجناينويطيروا الحمامويعمروا المداينويضيعوا فى الزحام”

“و إن كان أمل العشاق القرب ..أنا أملى فى حبك هو الحب”