“الحياة مش مضمونة.. لازم نطلب الحلو قبل الأكل احتياطي!”

“الحياة مش مضمونه ياصديقى لازم نطلب الحلو قبل الأكل.”

“انت خايف وانا خايف بس لازم نعمل حاجة”

“كل حاجة غلط لازم تدفع تمنها حتى لو إتأسفت.”

“تعرف السباك ... اهو في ناس في الحياة زي السباك بالظبط... فكِرك في حد يقدر يعيش من غيره؟ مستحيل.. هو كده لازم يبقي فية وصلة مابين عالم فوق وعالم تحت ... حد يسلك البلاعات اللي ماتقدرش تمِد ايدك فيها...يقفل الغطيان الفتوحة يشوفلك حاجة ضايعة .. يجيب لك صرصار مضايقك تستحمِل ريحته وقرفه وشايه وسجايره وسرقته لصابون حمامك طول ما انت عايز منه حاجه.. عارف العيب امتي بقي؟ لما تطلب من السباك ده انه يعمِل لك ديكور شقتك..تخيل سباك ومهندس ديكور....! هنا الغلط انك تكلفه بحاجة هو مش قدها”

“مش وقتها.. مش ساعات كده فيه حاجات صحّ بتيجي في وقت غلط؟”

“كنت متخيلة إن دايما عندي إجابة لكل سؤال ! بس فيه حاجات بيكون لطيف فيها إني أسيب نفسي وما أسألش .. بعدين أبقى أعرف ليه .. أو حتى ما أعرفش .. مش مشكلة .. رغم أنها كانت دايما مشكلة .. لكن المرة دي .. مش مهم .. عارفة نهاية الفيلم و مش مهتمة .. أنا بس مش قادرة أتخيل خسارتك تاني .. مش هاستحمل .. خليك في الضلمة .. أنا راضية.. تخيل.. راضية تفضل في الضلمة وأفضل أنا أتهمك زور إنك مش موجود.. على الأقل هفضل متشعبطة في ديل حلم.. إنما لو عديت كده مرور الكرام .. واختفيت زي ما في يوم اختفيت.. أنا مش هسامحك.. هاموت.. أنا باخرف.”