“زمان كان اللي يتلسع من الشوربة ينفخ ف الزبادي .. دلوقتي الواحد بقي يتلسع من الزبادي كمان مش من الشوربة بس ...!”

“زمان كان الناس نص كلامهم حق و النص التاني باطل لكن الدنيا دلوقتي إتغيرت و بقي نص كلامهم "كدب" و نصه التاني "إشتغاله”

“المتفائل زي اللي سايق طياره و عمال بيخمس بيها ف السما و فجأه ..... قام لابس ف الرصيف .. مع إنه ف السمــا ...!! أما المتشائم زي اللي راكب مع اللي كان سايق الطياره و عمال يقوله خد بالك أحسن نخبط ف الرصيف .. و التاني يقوله يا عم إنتا أهبل؟؟!! ده إحنا ف السما ..!! .. لازم يكون في توازن بين التشاؤم و التفاؤل بس للأسف مش موجود ...”

“لو الواحد عايز يجدد حياته و يخلي أيامه كلها فريش كده و جااامده آخر ثينج .. يسمع نصيحتي .. الحل هو إن الواحد يصفي نفسويته كل شويه مع نفسه .. هتقولي إزاي !! .. بص يا سيديهات ورقه و قلم و إكتب اللي جوه نفسويتك .. إكتب و إكتب .. و بعدين قطع الورق .. إكتب و قطع .. مفيش أي مشكله .. هتتعب فـ حاجه!!!! .. وربنا هترتاح .. يا سيدي لو معندكش كشاكيل أو قلم .. إديها كمبيوتر ع الوورد باد ........أقولك !!! بلاش كل دوووول .. روووح ع أقرب مرايه ف بيتكو .. طبعاً كل واحد فينا عنده مرايه ف بيتهم .. روح ع أقرب مرايه .. بص فيها .. كلم نفسك .. معلش ياعم أنا مجنون إستحملني .. أيون كلم نفسك .. ساعات الواحد بيبقي جواه العلاج بتاعه نفسه .. إسال نفسك ياتري انا ممكن اعيش عمر أكتر من اللي عشته ده ؟؟ يعني الحزن اللي أنا فيه و الغضب ده بسبب الروتين هيخلوني اعيش عمر تاني؟! زمانك بتقول دلوقتي ((ياعم دا أنا حاسس إني كبرت 70 سنه و كمان حبه هودع)) عارف ده ليه؟؟؟ عشانك مش فاهم أي ثينج .. أيوه انت مش فاهم أي ثينج لإنك لازم تعرف إن الايام اللي جايه هتعيشها يعني هتعيشها .. بحلوها .. و بمرها .. غصب عنك هتعيشها .. الأقدار هتحاول تغير ف حياتك و حاجات كتير أوووي هتبقي ضدك .. بس حاجه واحده بس هتخليك قادر تواجه كل التحديات و المطبات دي .. الإراده .. كل واحد منزوع الإراده يقول روتين روتين روتين و نفسي أجدد حياتي بس مش عارف .. إعمل كا حاجه .. متحرمش نفسك من أي حاجه .. إكتشف نفسك .. إكتشف كل حاااجه .. الإرداه هي الطريقه اللي هتخليك تجدد حياتك و تبقي إنسان جديد كل فتره و متتحبطش و تبقي كووووول بشكل مش معقووووول .. الهدف :: مصيبه ليكون أساساً معندكش هدف .. من أهم طرق تحقيق النجاح .. و ده مش كلامي .. ده كلام د/ إبراهيم الفقي .. يعني مش بتبقلظ عليكو و بتفلحس -----------------------------------------1- القرارات :أن تقرر أنك ستفعل 2- الرغبة 3- الهدف 4- الأسباب 5- اعتقادك أنك تستحق ذلك وأن تعتقد في قدراتك وتنميها.. 6- أن يكون لديك قيم عليا تحافظ عليها. -----------------------------------------كل ده هيديك تحدي للواقع و هيخليك من إنسان محبط كئيب خارج من فيلم أبيض و إسود لواحد بالألوان كده و آخر نعنشه و مستعد يعمل أي ثينج و مقبل ع الحياه و متفائل حتي لو حصل إيه .. شديد فـ أزمته .. الحل هو الإراده اللي هتدينا التحدي .. و الهدف الأهم من كل شئ”

“من كتر ما الكوتشي اتقطع كذا مره و صلحته برضه كذا مره أديه داب و مخليني مش عارف ألعب ... و بقيت من أقل شوطه أشوطها صوباعي يطلع يبص ع الشارع من شباك صغير و كل شويه أروح ألحمه .... محتاج أشتري كوتشي جديد و مش أي كوتشي هينفع .. كوتشي جديد بمواصفات معينه ...... و عشان كده محتاج فتره أختار كوتشي يناسبني و محتاج فتره كمان عشان يلين و ياخد شكل رجلي و أرتاح فيه ... بس الكوتشي ده مش هشتريه ... هعمله ع إيدي لإني زهقت من الجاهز و زهقت من كوني لو شوفت حد لابس كوتشي حلو أجيب زيه بالظبط حتي لو هيبقي شكله حلو عليا ... مش شرط الشكل .. المهم الأداء و الفاعليه ... لأول مره حاطط شكل للكوتشي اللي نفسي فيه ... و حاطط برضه شكل معين للآداء اللي هيكون عليه الكوتشي دهبإختصار لازم أشتري كوتشي جديد قريب”

“السواقه ف مصر عامله زي ما تكون في ميدان موانع .. مثلاً ماشي ف أمان الله كده تلاقي كارو جاي من يمينك مزنق عليك تقوم تتفاداه ع آخر لحظه و الحصان خلاص راسه عندك جوه الكابينه ... كمان شويه واحد بعجله من ع شمالك جاي يلبس فيك تقوم مفرمل أحسن تشيله و بعد ما يحصل خير تلاقيه بيقولك إنتا ما بتشوفشي يا ×××××× .. و بعد ما تتفادي كل دول تلاقي واحد عايز يعدي جري من تحت العربيه تقوم مفرمل جاااامد عشان ماتشيلوش .. و فجأه تلاقي ودنك بتسمع ألفاظ غريبه من اللي كنت هتدوسه ده ع أساس إنك إنتا اللي غلطان ... و هكذا طول ما إنتا سايقالسائق المصري أفضل سائق ف العالم لإنه بيتفادي دول كل يوم”

“كل واحد جواه كذا واحد .. المجنون .. العاقل .. المرح .. الكئيب .. الكويس .. الشرير .. بس كل واحد من دول ليه مثيرات معينه بدرجات معينه عشان يطلع ... بس إحنا لازم نتحكم فـ المثيرات دي .. عشان نختار اللي يقدر فيهم إنه يوصلنا للي بنتمناه ...”