“ياناس والله مالي بالكبر حااجه... انا بسيطه وعزة نفسي تكفينياشوف انا الشمس نور الكون وسراجه... مارحت ادور بداله نور يجدينيقلبي نظيف(ن) يحب الخير وفجاجه... ماني حقوده اعادي من يعادينيأدور اعذاار للي زاد في ازعاجه... باكر زمانه يبدل شينه بزينيتشوم نفسي مخاوى ناس هراجه... منهو هرج في قفاهم هارج فينيالله يتمم عليااا عقلي وانتاجه... مغيره احد يعرف اقصاي وشفينيوبيوت شعري دواا للقلب وعلاجه... ياوسع صدر الدفاتر يوم تحوينيحب البشر في حشايا نار وهاجه... لكن هالناس عيت لاتخلينيمحتاجه اضحك من اقصى القلب محتاجه... صعبه اغير نفوس الخلق بيديني”

“جيتك من الفرحة على مهرة الشوق... تسبقني الخطوة على الدرب قدامجيتك ولا ابالي ولو يطلع العوق... جيتك وأنا شوقي موزعني أقساملا لا تهمك ناس ماتعرف الذوق... يسرون تال الليل والصبح صيامياعم لامنطق ولافيه منطوق... بعها تراني بايعتها للإعدامإخذ الرطب قول النخل يثمر عذوق... خيب رجا اللي يرتجونه من العامواضرب على الكايد ان ماجات برفوق... مليت انا وياك من عد الأيام”

“ضايقه بالحيل محتاجه اشتكي... لولا طبع فيّ يمديني شكيتبس أدور عذر منشان البكي... لو يدوسون بطرف ثوبي بكيتكل ماجيت اتريح وارتكي... يزدحم في خاطري الفين بيتويش بيدي افعله غير الحكي؟... قاصره خطوات رجلي لو مشيتأسرعي يانفس موتي واهلكي... صرتي همي يوم بالدنيا شكيت”

“مسافره مسافره وجمعت انا اشيائي... بروح ادور لي ارض غير مأهولهافكاري مبعثره والمشي عشوائي... والدرب مخطوور والاحلام مشلولهبروح امارس جنوني واقتل اعبائي... مابي خوي يخاويني بهالجولهبحمل معاي صراحه وقول تلقائي... وقصة موادع وقطعة قلب منزولهوشعري وجنوني وفلسفتي مع آرائي... بأطلق لها عنانها وتقول ما تقولهفي رحلتي مستعده افقد اعضائي... دام اني آمنت فيها صرت مسؤولهمليت وانا انطعن بالظهر واستائي... ماقلت لو مره هالطعن وشهوله؟مليت اكفر اخطاء ماهي اخطائي... وادري براعي الخطا واقول من هو له؟فرقبتي قلاده هي سبة ايذائي... من قبل لا اولد وهي بالعنق مغلولهمحتاجة للنفس من ضيقة احشائي... واشوف مفتاح قيدي وما اقدر اطوله”

“لاخير بانسان رمى ثوب ماضيه... وبالتالية يسعى لطمس الهويةللشمس نور يحسب إنّه يغطيّه... مايدري كفوفه بنوره خفّيّه”

“الناس سدّادة سلف يوم الرخا باكر يضيع... ما بي اسوي حاجة أصبح عليها نادمهأبحث بقلب التجربه وآخذ من أحداث الجميع... عبره تساعدني على صدمات وقت قادمهبعطي واسامح للبشر وأحسن مع الكل الصنيع... حتى إذا جار الزمن القى صديق انادمهودي على طول الزمن أكون منديل الفجيع... أحب أعمّر ما أرتضي أكون لحظة نادمه”

“أنا أبيك وحش يحتوي داخله عصفور... وانا ابيك طفل يحتوي داخله رجالأبيك الأب بالعطف والأخ بالمعسور... أبيك أمي بالتدليل ومداعب الجهّالانا أبيك تاج الستر ياعاري المستور... أعاف العقل وانجن مادامهم عقّالأبيك المطاع الطايع المنذل المغرور... انا أبيك جوعي وشبعتي والفقر والمالأنا أبيك تشكيلة عواطف كما البلور... أبي تحتوي كل التناقض مع الاشكالأباصير انا وياك داخل بعضنا ندور... ياحتى نضيع وين كنا مع المدخالخلاص انتهى صبري وتلاشت خيوط النور... أبعلن جنوني وش نلت من عالم العقال؟؟”