“شكراً لشيبسي لما عمل طعم الكباب .. ولايز بطعم الملح ..، لكن سيظل في ذهني دائماً الطعم الذي يستخدمونه دائماً الأمهات المصريات .. بالسم الهاري ! تحت شعار : اللي يهري بطنك”

“اليأس اللي جوة الناس .. في حد ذاته ثورة مضادة”

“اتقهرت لما عرفت ان الصين احتفلت بأخر واحد في محو الامية سنة 1999 .. واتقهرت اكتر لما اعرفت انها محو امية كومبيوتر!”

“مصر الدولة الوحيدة اللي بيجتمع فيها الصويت والزغاريط في يوم واحد ...يوم نتيجة الثانوية العامة”

“السؤال الذي يداهمني طوال الأيام اللي فاتت ، إزاي تغير لمصر البامبرز اللي مغيرتوش من 30 سنة ؟؟، وازاي أصلاً هتقدر تغيره وتلبسها لبس جديد؟؟ ، أكيد كل اللبس اللي عليها باظ فهتضطر إنك تنزل السوق وتشتريلها شوية فساتين مقاس 80 مليون ، انت ممكن تلاقي المقاس دا بس حاول تلاقي حد يخيطهولك .. مش يخيط ال 80 مليون”

“عارف هما سموا البنت اللي نفسك تتجوزها فتاة احلام ليه ؟؟ ... علشان عمرها ما هتجيلك غير في الحلم...”

“عارف المصري هو اكتر واحد في الكون بيضحك ليه؟؟؟ لإنه من كتر البكى اللى بكاه مش لاقى اللي يبكي عليه”