“أكبر دليل ان المصري كانت فلوسة فارطة ...انه كان بيدلع العشرة جنيه وبيقول عليها بريزة ...والعشرين جنيه ريال .. والخمسة جنيه شلن ..مما جعله يستعوض ربنا في جميع الأموال المنهوبة ، فأستعوض من هنا وفلس”

“من عادة الشعب المصري الذهاب على مثال "العشا عند مين النهاردة؟" .. وحتى العشا اللى مبقاش عند حد ، إلا انه واثق ان مفيش حد بينام من غير عشا .”

“الكابتن ماجد كان شخص قوي جدا لدرجة انه كان بيجيب الجون من نص الملعب ...، مع ان الكورة كانت بتمر على حوالي 60 واحد بما فيهم الجمهور ، وتروح كاسرة يمين وتخش جون ، وتقريباً دا كان بياخد 4 حلقات متتالية ، وعلى الرغم من كدا كان بيخلص المسلسل من غير بطولات...”

“ثم قالت لي عقب الانتهاء من تناولنا وجبة البطيخ : بألف هنا وشفا .. فهمست لها ببعض الضحكات قائلاً : ربنا يشفيكي يارب”

“عارف المصري هو اكتر واحد في الكون بيضحك ليه؟؟؟ لإنه من كتر البكى اللى بكاه مش لاقى اللي يبكي عليه”

“عادة في الطالب المصري .. يجيب المسطرة والبرجل والأستيكة ...والأقلام الملونة والكشاكيل من الأنواع المختلفة ، وملحقات ومذكرات المناهج ، ويرتب المكتب ... فيزهق ويخش ينام”

“المعدة المصرية : هو الجهاز المصري الوحيدة التي إحتارت فيه كافة العقول التي تهتم في صناعة المحركات بالعالم..فهو لديه القدرة على صد 450 نوع من السموم شديدة الخطورة ، والناتجة عن مياة الشرب والحنفية والخضروات المسرطنة...”