“الحياه زي الكتاب بس يا سلام لو ليه فهرس ..!”

“عارفه ليه واخد عليكي ضره !! لإني حبيتها .. أيوه حبيتها .. ببقي معاكي دايماً بس مش ناسيها .. أيوه مش ناسيها .. كرهتك كرهتك و بهرب منك ليها .. كل كلمه منك حق بس لأ لأ لأ .. ساعات أرجع أحبك لما بتعملي زيها .. بقول إتعلمت منها و راح منها غلها .. بس بعدها بترجع زي الأول و أنا أقول إزاي بسرعه قدرت !! .. ليه دايماً طبعك غالب !! .. و واخداها ع إنها مغلوب و غالب !! بس عارفه!! أنا كرهتها هي كمان .. لإن كل كلمه منها كدب × كدب و بترضيني و بس .. إنتو الإتنين زي بعض .. نسيت إنكو صحاب و جيران فـ عماره واحده .. عماره الحياه .. بس خلاص هسيبكو لبعض .. هعزل منها .. قريب .. شكري و تقديري لكي يا حقيقه .. و تحياتي لكي يا خيال .. سلام”

“التنازل صعب .. بس دايماً الظروف اللي بتأدي ليه بتكون أصعب”

“حياتك زي فيلم .. فيه إنتا البطل .. عشان كده لازم تبقي زي الأبطال بس لازم تعرف إن زي ما فيه أبطال أخيار فيه برضه أبطال أشرار”

“المشاعر و العواطف ماتت فـ قلوب الناس .. قلوبهم بقت بالظبط زي موتور المايه .. بتضخ دم و خلاص بس كويس .. أهه ع الأقل فضل الدم موجود ,,, بس ,,, لحين إحتراق الموتور ..!”

“المتفائل زي اللي سايق طياره و عمال بيخمس بيها ف السما و فجأه ..... قام لابس ف الرصيف .. مع إنه ف السمــا ...!! أما المتشائم زي اللي راكب مع اللي كان سايق الطياره و عمال يقوله خد بالك أحسن نخبط ف الرصيف .. و التاني يقوله يا عم إنتا أهبل؟؟!! ده إحنا ف السما ..!! .. لازم يكون في توازن بين التشاؤم و التفاؤل بس للأسف مش موجود ...”

“كل واحد جواه كذا واحد .. المجنون .. العاقل .. المرح .. الكئيب .. الكويس .. الشرير .. بس كل واحد من دول ليه مثيرات معينه بدرجات معينه عشان يطلع ... بس إحنا لازم نتحكم فـ المثيرات دي .. عشان نختار اللي يقدر فيهم إنه يوصلنا للي بنتمناه ...”