“أنت مش محتاج نور عشان تشوف.”

“عوني: أنت نسيت اللي حصل المرة اللي فاتت؟!يحي: هو اللي شبط لما عرف إني ((psychiatrist)).. مش ذنبي إنه ما استحملش يشوف تحليل لنفسه على الحقيقة.._جحظت عينا عوني استغرابًا_عوني: تحليل!!ده أنت حللت له بول يا ((man))..شمبرته..تقول له في وشه أنت 90% عندك ضعف جنسي! اقسم بالله الراجل كان حالف ما يجي هنا تاني.. أنا كنت هابوس دماغه.”

“- شريف غلط ولازم ياخد جزاءه.. ح ترضاها ؟ ترضى أنه يقتل ويطلع برئ ؟- مش هيتعدم لو عندكو.. أقصد عندك ازدواج - الازدواج مش معترف بيه - كل حالة فيها استثناء - لو كلمت الله هتقول عليا بأصلي، لكن لو هو كلمني، تسميها ازدواج !!- ربنا بيكلمك !!- طبعاً ده السميع البصير، لا يخفى عليه شيء - أنت بتخرف.”

“مش وقتها.. مش ساعات كده فيه حاجات صحّ بتيجي في وقت غلط؟”

“يعنى حد يهاجم بالنيابة عن الناس اللى مش فاضية.. الناس اللى أكل العيش هو اللى بياكلها.. الناس اللى بتجرى طول اليوم عشان القوت وبس يا عمر.. زيى وزيك كده.. مفيش أحلام ولا طموحات, يادوبك يحط دماغه على المخدة عشان يصحى تانى يوم يشتغل زى الحمار فى الساقية.. بس مايمنعش يقرأ الجرنال باليل, يسمعله كلمتين حلوين يطروا قلبه شوية.. حبة شتيمة فى كام وزير على كام مسئول, وشوية أخبار ممثلين على كام صورة بت سلبوتة, وحادثتين دعارة بالتفصيل الممل.. تبقى كده الوجبة كملت ومعاها عيش وسلطة طحينة كمان.. حد يزعق عشانه و يهلل أكنه بيجيب حقه.. حد يريحه.. يديله حقنة البنج عشان همومه تعدى, وفى الوقت نفسه شوية ديمقراطية, على حقوق انسان, على معارضة مستقلة, فى بلد حرة وشعب حر.. لازم البنى ادم يهدى برضه.. يحس بأمل فى بكره.. يحس ان فى تغيير.. طب انت عارف نص الناس ان ماكانش تلات ترباعهم عايزين التغيير عشان يكسروا الملل.. يغيروا الوشوش.. يشوفوا سحنة جديدة.. لو جيت قلت لحد فيهم قضيتك ايه؟ مش هيلاقى حاجة يقولها.. الجرايد فكرتله وزعقت بالنيابة عنه وصرخت فى الللى كابس على نفسه.. شربته سيجارة معمرة وأكلة تقيلة يشخر بعدها طول الليل.. يشخر للسنة الجاية كمان..”

“كنت متخيلة إن دايما عندي إجابة لكل سؤال ! بس فيه حاجات بيكون لطيف فيها إني أسيب نفسي وما أسألش .. بعدين أبقى أعرف ليه .. أو حتى ما أعرفش .. مش مشكلة .. رغم أنها كانت دايما مشكلة .. لكن المرة دي .. مش مهم .. عارفة نهاية الفيلم و مش مهتمة .. أنا بس مش قادرة أتخيل خسارتك تاني .. مش هاستحمل .. خليك في الضلمة .. أنا راضية.. تخيل.. راضية تفضل في الضلمة وأفضل أنا أتهمك زور إنك مش موجود.. على الأقل هفضل متشعبطة في ديل حلم.. إنما لو عديت كده مرور الكرام .. واختفيت زي ما في يوم اختفيت.. أنا مش هسامحك.. هاموت.. أنا باخرف.”

“مفيش رقاصه بتخبطها عربية عشان مفيش رقاصه بتعدي الشارع على رجليها في البلد المحترمة دي.”