“أصل الحياه للعلم….مفهاش حاجات ببلاش….وعشان ماتصبح فيلم…..وأصلا عشان تتعاش….كادر الحياه المشحون…فرح والم وشجون….لازم يكون …بيلف….لازم يكون…. بيدور….يتقل عليك ويخف….ويعشّمك بالنور….ف نهاية المشوار…..ونا قلبي لف و دار…..ميت ألف ليل ونهار….نفسه ف فرحه كادوه…..وحلاوه من غير نار….”

“كل الحاجات حواليك...ف الكادر سانده عليك....لو جيت وشلْت اديك....الصورة تتفركش ….ضلك على الحيطه ….كان خافي عنها النور ….وطلّعها بتنغمش...كفك على السفره...من غيره كان إزاي...مفرشها يتكرمش ؟..بصمة صباع إيدك...لسّاها ع الشبابيك...ميت ألف تفصيله...ملهاش وجود غير بيك..وإنتا عليك تختار...حتبدّي مين على مين ؟..وتبدّي إيه على إيه ؟..الجاي والجايين ؟وللا اللي خدت عليه ؟أصل الحياه للعلم..مفهاش حاجات ببلاش..وعشان ماتصبح فيلم...وأصلا عشان تتعاش..كادر الحياه المشحون...فرح والم وشجون..لازم يكونبيلف....لازم يكون…. بيدور..يتقل عليك ويخف..ويعشّمك بالنور..ف نهاية المشوار...ونا قلبي لف و دار.....ميت ألف ليل ونهار....نفسه ف فرحه كادوه.....وحلاوه من غير نار....ومّا الزمن تعبه...قصقص شريط الفيلم....وخَد كادر كان عاجبه....وقرر يعيش ف الحلم.....”

“ونا قلبى لف ودار ميت الف ليل ونهار نفسة فى فرحه كادوه وحلاوه من غير نار وما الزمن تعبه قصقص شريط الففيلم خد كادر كات عاجبة وقرر يعيش فى الحلم”

“عشان فيكى منى فى طبع الجنان ..عشان فيا منك فى طبع الحنان ..عشان احنا نسخة ..عشان احنا مُسخة ..عشان فيه تشابه بشكل ابن وسخة ..عشان فى ف دروبنا علامات كزالك ..وعشان فيه ف دروبنا علامات كذلك ..برغم ان مفهاش ولا درب سالك ..وعشان احنا أصلًا سوا من زمان ..بحبك ..لذلك ..وأكتر ..كمان ..عشان مش ضرورى ..يكون فيه عشان”

“الدنيا اساساً م الاول ..شيء يشبه سلك السماعة ..يتلعبك منك ف ثواني ..و عشان يرجع مفرود تاني ..لازم تتعذب و تعاني ..و تفكه ف أكتر من ساعة ..”

“قال الشهيد للشهيد ف السما الأولى الطلقة مش طايشة... و الدولة مسئولة قال الشهيد للشهيد ف السما التانية الأرض طبّت جنبي مقتولة قال الشهيد للشهيد ف السما التالتة الحظ جابنا ...و احنا مش فَلتة قال الشهيد للشهيد ف السما الرابعة الدم حيروح فين ... الدايرة مقفولة قال الشهيد للشهيد ف السما الخامسة الأرض دي ..متبوعة مش تابعة لو كان دَعَاكوا نزول ونا لسة وسطيكوا يبقي ف غيابي تنزلوا أدعى قال الشهيد للشهيد ف السما السادسة ؟مين كان من الانبيا مش قلة مندسة و حكي الشهيد للشهيد م السما السابعة عن ثورة تانية حتيجي .. أقوى م الأولى”

“لو دامت فى إيد غيرك ..مكنتش وصلتلك ..حصلت لميت واحد ..زى أما حصلتلك ..علشان كدة بزعل ..لكن مبتأزمش ..و ساعات كتير بفرح .. لكن ما بتعَشّمش ..ف حاجات ما بتدوّمش ..الدنيا سوق كانتو ..مفيهوش حاجات زيرو ..و زبونه أنا و انتوا ..علشان مفيش غيره ..و انتا زبون عادى ..ف مفيش حاجات مخصوص ..و مفيش قميص واحد ..فى الدنيا مش ملبوس ..ميت مرة من قبلك ..كل اللى هيقابلك ..كان ماضى و اتسابلك ..حتى الصحاب و الصيت ..حتى الكلام الحلو ..كله كدة يا عبيط ..ماشى بنفس السلو ..نظرتها ليك حتى ..ساعة ما بصتلك ..لو دامت لعين غيرك ..مكنتش وصلتلك ..”