“أنا قلبي مزيكا بمفاتيح .. من لمسة يغني لك تفاريحمع إني مفطرتش وجعان .. ومعذب ومتيم وجريح”

“عجبتني كلمة من كلام الورقالنور شرق من بين حروفها و برقحبيت أشيلها ف قلبي .. قالت حرامده أنا كل قلب دخلت فيه اتحرق!!!عجبي ”

“أنا اللي بالأمر المحال اغتوىشفت القمر نطيت لفوق في الهواطلته مطلتوش - إيه أنا يهمني ؟وليه ما دام بالنشوى قلبي ارتوىعجبي !!”

“أنا قلبي كان شخشيخة أصبح جَرس جلجلت به صحيوا الخدم والحرس أنا المهرج .. قمتو ليه خفتو ليه لا فْ إيدي سيف ولا تحت مني فرس عجبي !!”

“أنا شاب لكن عمري ألف عاموحيد لكن بين ضلوعي زحامخايف و لكن خوفي مني أناأخرس و لكن قلبي مليان كلامعجبي !!”

“يا ميت ندامه ع القلوب الخـــــــــــلالا محبة فيها و لا كراهـــــــــــه ولاحتي يا قلبي الحزن ما عادش فيـــــكمعلهش .. لك يوم برضه راح تتملاعجبي !!”

“غسل المسيح قدمك يا حافي القدمطوبى لمن كانوا عشانك خدمصنعت لك نعليك أنا يا أخيمستني إيه .. ما تقوم تدوس العدمعجبي”