“النقاب و اللحية" و حاجات غيرهم كتير .. هنعيش و نموت مختلفين عليهم .. مع انه كلنا متفقين على ضرورة إتقان العمل ، و حسن الخلق ،و متفقين على حُرمانية الرشوة .. و غيرهم كتير .. بس للاسف مازلنا مصرين على تضيع الوقت على الخلاف ، مع انه نقاط الاتفاق أولى ميت مرة بيه”

“في زحمة الدنيا بتبوظ حاجات كتير ..و في قاعدة صفا تبدأ تحس بالتقصير ..و ترجع تفرح أوي بأنه لسه في ضمير ..و تحاول تظبط و أملها في ربنا كبير”

“حاجات كتير ماعدش باقي لىّ فيها غير الحلم ، و انا مش هافرط فيه أبدًا .”

“من أكثر الأشياء المُبهرة - بالنسبة لىّ - في ديني " الإسلام" .. أنه مسموح جدًا بتشغيل عقلك .. و يمكنك تسأل " لماذا ، و كيف ، و تبحث " .. و ستجد دائمًا جواب مقنع يحترم عقلك ، كَون بعض الأشخاص يتطوعوا و يعلنوا وصايتهم " الدينية" على الآخرين .. فعفوًا مرفوض و بشدة .. إن كان لديكم بعض العلم فوظيفتكم هى الإنارة و الإسترشاد ، و ليس فرض الوصاية على الآخر !”

“هم مزيفون .. يدعون الفضيلة ، و نحن ساذجون .. - نصدقهم - و نتعلم عنهم الفضيلة .. يتكشف زيفهم مع الوقت .. و نبقى نحن السذج ولكن أكتسبنا منهم فضيلة .. فشكراً أيها المزيفون !”

“و اللي على رأسه بطحة .. بقى بيبطح اللي حواليه”

“طول ما انت قاعد في شرنقتك ، و مش بتدخل في تعاملات إنسانية جديدة .. كل ما فرصة انه تغلط تقل .. و فرصة انه تتعلم حاجة جديدة بالتبعية تقل”