“لو الواحد عايز يجدد حياته و يخلي أيامه كلها فريش كده و جااامده آخر ثينج .. يسمع نصيحتي .. الحل هو إن الواحد يصفي نفسويته كل شويه مع نفسه .. هتقولي إزاي !! .. بص يا سيديهات ورقه و قلم و إكتب اللي جوه نفسويتك .. إكتب و إكتب .. و بعدين قطع الورق .. إكتب و قطع .. مفيش أي مشكله .. هتتعب فـ حاجه!!!! .. وربنا هترتاح .. يا سيدي لو معندكش كشاكيل أو قلم .. إديها كمبيوتر ع الوورد باد ........أقولك !!! بلاش كل دوووول .. روووح ع أقرب مرايه ف بيتكو .. طبعاً كل واحد فينا عنده مرايه ف بيتهم .. روح ع أقرب مرايه .. بص فيها .. كلم نفسك .. معلش ياعم أنا مجنون إستحملني .. أيون كلم نفسك .. ساعات الواحد بيبقي جواه العلاج بتاعه نفسه .. إسال نفسك ياتري انا ممكن اعيش عمر أكتر من اللي عشته ده ؟؟ يعني الحزن اللي أنا فيه و الغضب ده بسبب الروتين هيخلوني اعيش عمر تاني؟! زمانك بتقول دلوقتي ((ياعم دا أنا حاسس إني كبرت 70 سنه و كمان حبه هودع)) عارف ده ليه؟؟؟ عشانك مش فاهم أي ثينج .. أيوه انت مش فاهم أي ثينج لإنك لازم تعرف إن الايام اللي جايه هتعيشها يعني هتعيشها .. بحلوها .. و بمرها .. غصب عنك هتعيشها .. الأقدار هتحاول تغير ف حياتك و حاجات كتير أوووي هتبقي ضدك .. بس حاجه واحده بس هتخليك قادر تواجه كل التحديات و المطبات دي .. الإراده .. كل واحد منزوع الإراده يقول روتين روتين روتين و نفسي أجدد حياتي بس مش عارف .. إعمل كا حاجه .. متحرمش نفسك من أي حاجه .. إكتشف نفسك .. إكتشف كل حاااجه .. الإرداه هي الطريقه اللي هتخليك تجدد حياتك و تبقي إنسان جديد كل فتره و متتحبطش و تبقي كووووول بشكل مش معقووووول .. الهدف :: مصيبه ليكون أساساً معندكش هدف .. من أهم طرق تحقيق النجاح .. و ده مش كلامي .. ده كلام د/ إبراهيم الفقي .. يعني مش بتبقلظ عليكو و بتفلحس -----------------------------------------1- القرارات :أن تقرر أنك ستفعل 2- الرغبة 3- الهدف 4- الأسباب 5- اعتقادك أنك تستحق ذلك وأن تعتقد في قدراتك وتنميها.. 6- أن يكون لديك قيم عليا تحافظ عليها. -----------------------------------------كل ده هيديك تحدي للواقع و هيخليك من إنسان محبط كئيب خارج من فيلم أبيض و إسود لواحد بالألوان كده و آخر نعنشه و مستعد يعمل أي ثينج و مقبل ع الحياه و متفائل حتي لو حصل إيه .. شديد فـ أزمته .. الحل هو الإراده اللي هتدينا التحدي .. و الهدف الأهم من كل شئ”

“من كتر ما الكوتشي اتقطع كذا مره و صلحته برضه كذا مره أديه داب و مخليني مش عارف ألعب ... و بقيت من أقل شوطه أشوطها صوباعي يطلع يبص ع الشارع من شباك صغير و كل شويه أروح ألحمه .... محتاج أشتري كوتشي جديد و مش أي كوتشي هينفع .. كوتشي جديد بمواصفات معينه ...... و عشان كده محتاج فتره أختار كوتشي يناسبني و محتاج فتره كمان عشان يلين و ياخد شكل رجلي و أرتاح فيه ... بس الكوتشي ده مش هشتريه ... هعمله ع إيدي لإني زهقت من الجاهز و زهقت من كوني لو شوفت حد لابس كوتشي حلو أجيب زيه بالظبط حتي لو هيبقي شكله حلو عليا ... مش شرط الشكل .. المهم الأداء و الفاعليه ... لأول مره حاطط شكل للكوتشي اللي نفسي فيه ... و حاطط برضه شكل معين للآداء اللي هيكون عليه الكوتشي دهبإختصار لازم أشتري كوتشي جديد قريب”

“مبحفظش ارقام تليفونات ..لا ارقام ولاد ولا ارقام بنات ..الا رقم واحد ..فيه سبعه و تمانيه ..و اربعة و سته و وواحد ..مش سهل يعني ده وشه زي قفاه ..بس مش عارف ليه اشمعنا ده بالذات ..مش عارف انساه ..يمكن من كتر المكالمات ؟؟يمكن عشان المكالمات كانت بالساعات ؟؟والرسايل بالالافات ؟؟طب اغير انا رقمي ولا اعمل ايه ..مكانش رقم يعني فيه سبعين و تمانيين ..طب احفظ كل ارقام الناس التانيين ..الارقام السهلة و المكلكعين ..يمكن بعدها ..القي الارقام زي بعضها ..وانسي كل الارقام وقتها ..ميبقاش فيها رقم رخيص و رقم غالي ..ولا رقم فقير و رقم عالي ..ولا رقم حبي القديم ..اللي مات و انتهي ..”

“يا قيودي الملفوفة حولين ابراجي هاشوف .. بكرة .. مهما تجرحي جوفي و اسواري المتشققة .. تبقى بيبان هروب خوفي ده الميت مش اللي اتدفن .. ده نايم وسط الاموات .. و تعالي شوفي الميت هو اللي بقى .. و اللي ارتضى .. يعيش عبد .. بدون غد بدون فجر ..و سنيني خلف جدران السجن هاشوفها بعنين بطل .. تتبدل الاحوال و تنهدم الجدران لا فيه فارس هدم و لامات الحراس انا اللي بكلمته .. هزمت كل الحراس و في عمري اللي جاي .. ماسك قضبانك حاططها بروازي .. في سوق انهزامك بكرة لسه بيتعمل .. و مش هاعيش في اركانك انا لو صحيح مت .. يبقى ازاي هجامك و بكرة لسه هايتولد .. من رحم يوم جديد يغيب كل الوغاء .. و تنكسر قيود الحديد و مهما القيد ده صعب .. ينفل في يوم قريبده مهما يقول عنك ... لسه هاقول واعيد”

“إكتشفت إن عيد الميلاد مش إحتفال عشان فرحان بعيد ميلادك لإنها حاجه تافهه طبعاً لكن فرحتك بتبقي بصحابك اللي حواليك و لمه العيله اللي ممكن تكون مش بتتلم غير ف المناسبات فرحتك بتبقي بإختياراتك الناجحه خلال الفتره اللي فاتت .. فرحتك بتبقي ترفيه و تعويض عن تعب سنه فاتت .. و أهم فرحه .... فرحتك بنجاحك و بالذات ع المستوي الإجتماعي”

“المتفائل زي اللي سايق طياره و عمال بيخمس بيها ف السما و فجأه ..... قام لابس ف الرصيف .. مع إنه ف السمــا ...!! أما المتشائم زي اللي راكب مع اللي كان سايق الطياره و عمال يقوله خد بالك أحسن نخبط ف الرصيف .. و التاني يقوله يا عم إنتا أهبل؟؟!! ده إحنا ف السما ..!! .. لازم يكون في توازن بين التشاؤم و التفاؤل بس للأسف مش موجود ...”