“في زحمة الدنيا بتبوظ حاجات كتير ..و في قاعدة صفا تبدأ تحس بالتقصير ..و ترجع تفرح أوي بأنه لسه في ضمير ..و تحاول تظبط و أملها في ربنا كبير”

“زحمة الدنيا ضحكت عليه ، و اكلت منه الحتة الحلوة في قلبه”

“في فذلكة المتفذلكين .. اللي في العسل لسه نايمين .. و فاكرين انه في حكمتهم الناس دايبين .. و انهم حاجة غير الناس التانيين .. أمنية حياتي يأخدوا الدرس من فرقعة البلاليين”

“يتصيدون لك الأخطاء .. و يبحثون وراءك عن الزلات .. و في كل فرصة تنهال منهم شرر الإشتباكات .. فلا أملك سوى أن أضحك في سري .. و أخفي سخريتي .. و اشفق عليهم من تافهتم”

“اللهم بــارك لنا في قوانا و أوقاتنا ، و ارزقنا من الحكمة ما يجعلنا نسيرهم لما يرضيك .. و أرزقنا اللهم من النوايا الطيبة كثيرًا ، لعلنا نُصلح في ذواتنا و نجتهد لنرضيك .. اللهم آمين”

“و كأن في الروحِ ..ثقبًا !”

“النقاب و اللحية" و حاجات غيرهم كتير .. هنعيش و نموت مختلفين عليهم .. مع انه كلنا متفقين على ضرورة إتقان العمل ، و حسن الخلق ،و متفقين على حُرمانية الرشوة .. و غيرهم كتير .. بس للاسف مازلنا مصرين على تضيع الوقت على الخلاف ، مع انه نقاط الاتفاق أولى ميت مرة بيه”